خېرىدارلاردىن سوئال-جاۋاب

1-سوئال: مەن «ئۇيغۇرسوفت لۇغىتى 2008»نى سېتىۋالسام كۆپ كومپيۇتېرغا قاچىلاشقا بولامدۇ؟ ناۋادا، كومپيۇتېرىمدا چاتاق چىقىپ، قاتتىق دىسكىنى رايونغا بۆلۈپ ۋە فورماتلاپ، مەشغۇلات سىستېمىسىنى قايتا قاچىلىسام يەنە ئىشلەمدۇ؟

جاۋاب:  «ئۇيغۇرسوفت لۇغىتى 2008»دىن بىرنى سېتىۋالسىڭىز، مۇلازىمەت نومۇرىدىن بىرسى تەمىنلىنىدۇ، ئادەتتە بىر مۇلازىمەت نومۇرى ئارقىلىق پەقەت بىرلا كومپيۇتېرغا قاچىلاپ ئىشلىتىشكە بولىدۇ، ئەمما، بىر يىل ئىچىدە كومپيۇتېرىڭىزدىن چاتاق چىقىپ يېڭى كومپيۇتېر سېتىۋالغان بولسىڭىز ھەمدە مۇناسىۋەتلىك ئىسپات (سېتىۋالغاندا بېرىلىگەن ھۆججەت ياكى تالۇن)نى كۆرسىتىپ (ياكى E-Mail ئارقىلىق ئەۋەتىپ) قايتا نومۇر تەلەپ قىلسىڭىز يەنە بىر قېتىم يېڭى نومۇر تەمىنلەپ بېرىلىدۇ، شۇڭا، ئەڭ كۆپ بولغاندا پەقەت ئىككى كومپيۇتېرغا قاچىلاشقا بولىدۇ، ئۈچىنچى كومپيۇتېرغا قاچىلاشقا بولمايدۇ.

بۇ لۇغەت قاتتىق دىسكىنىڭ زاۋۇتتىن چىققان بىردىنبىر تەرتىپ نومۇرىنى ئۆزىگە مەخپىي نومۇر قىلىدىغان بولۇپ، ئادەتتە بۇ نومۇر تەكرارلانمايدۇ، قاتتىق دىسكىنى رايونغا بۆلسىڭىزمۇ، فورماتلىسىڭىزمۇ، ھەتتا تۆۋەن دەرىجىلىك فورماتلىسىڭىزمۇ قاتتىق دىسكىنىڭ توپلاشتۇرۇلغان توك يولىغا زاۋۇت تەرەپتىن يېزىلغان بۇ نومۇر ھەرگىز ئۆزگەرمەيدۇ. شۇڭا، كومپيۇتېرىڭىزنىڭ قاتتىق دىسكىسى ئالماشتۇرۇلمىغان ئەھۋالدا، تەكرار قاچىلاپ ئىشلىتىشكە بولىدۇ.

2-سوئال: مەن چەتئەلدە ئوقۇۋاتقان بىر ئوقۇغۇچى، «ئۇيغۇرسوفت لۇغىتى 2008»نى سېتىۋېلىشىم ئۈچۈن قانداق قىلىشىم كېرەك؟ ئىنگلىزچە Windows دا نورمال ئىشلىتەلەمدىم؟

جاۋاب: دۆلەت ئىچىدە تۇرۇشلۇق بىرەر ئۇرۇق-تۇغقىنىڭىز سىز ئۈچۈن ۋاكالىتەن پۇل تاپشۇرسا (بانكا كارتىسى ئارقىلىق بولسىمۇ بولىدۇ)، بىز شۇ كۈنىلا سىزگە توردىن چۈشۈرۈش ئادرېسىنى ۋە مۇلازىمەت نومۇرىنى E-Mail ئارقىلىق ئەۋەتىپ بېرىمىز. سىز توردىن چۈشۈرۈپ قاچىلاپ بولغاندىن كېيىن، كومپيۇتېر نومۇرىنى بىزگە ئەۋەتىپ بەرسىڭىز، بىز سىزگە قاچىلاش نومۇرىنى ئېيتىپ بېرىمىز. ئادەتتە پۇل تاپشۇرغان شۇ كۈنىلا ئىشلىتەلەيسىز.

ئىنگلىزچە، رۇسچە، ئەرەبچە، تۈرۈكچە ۋە خەنزۇچە Windows XP /VISTA دا نورمال ئىشلەيدۇ، پەقەت خەنزۇچە خەت كۆرسىتىش ئۈچۈن، «كونترول تاختىسى»دىن «دۆلەت ۋە رايونلار»غا كىرىپ، ئۇنىڭ ئىچىدىن «تىل-يېزىق»نى تاللاپ «يىراق شەرقىي ئاسىيا تىللىرى»نى قاچىلاش دېگەن تۈرنىڭ ئالدىغا توغرا بەلگىسى ئۇرۇپ قويسىڭىزلا بولىدۇ.

3-سوئال: مەن ئۈچ يىل بۇرۇن «ئۇيغۇرسوفت لۇغىتى 2005»نى سېتىۋالغان ئىدىم، ئۆتكەن يىلى ئىككى تىللىق «ئۇيغۇرسوفت لۇغىتى 2007»نى ھەقسىز يېڭىلىدىم، مەن ئەمدى داۋاملىق ئىككى تىللىق «ئۇيغۇرسوفت لۇغىتى 2008»گە ھەقسىز يېڭىلاپ ئىشلىتەلەمدىم؟ ناۋادا، ئۈچ تىللىق لۇغەت ياكى تۆت تىللىق لۇغەتكە ئېھتىياجلىق بولسام نەچچە پۇل تاپشۇرىمەن؟

جاۋاب: ئالدى بىلەن بىزنى ئىزچىل قوللاپ كەلگەنلىكىڭىز ئۈچۈن كۆپ رەھمەت! ئەينى ۋاقىتتا «ئۇيغۇرسوفت لۇغىتى 2005»نىڭ ئىشلىتىش قوللانمىسىدا: بىر يىل ئىچىدە كېيىنكى ئەۋلاد مەھسۇلاتقا ھەقسىز يېڭىلاپ بېرىشكە بولىدۇ دېيىلگەن بولسىمۇ، ئەمما، بىز ئىككى يىلدىن كېيىن ئېلان قىلىنغان ئىككى تىللىق «ئۇيغۇرسوفت لۇغىتى 2007»نى سىزگە ھەقسىز يېڭىلاپ بەردۇق. ئۈچ تىللىق «ئۇيغۇرسوفت لۇغىتى 2007» گە ئېھتىياجلىق بولغان كونا خېرىدارلار ئۈچۈن پەقەت 80 يۈەن ئېلىپ يېڭىلاپ بەردۇق. شۇڭا، ئەمدى داۋاملىق «ئۇيغۇرسوفت لۇغىتى 2008»گە يېڭىلاپ ئىشلىتىشكە بولمايدۇ. ناۋادا، «ئۇيغۇرسوفت لۇغىتى 2008»گە ئېھتىياجلىق بولسىڭىز، قايتىدىن سېتىۋالىسىز.

4-سوئال: مەن «ئۇيغۇرسوفت لۇغىتى»نى سېتىۋالسام، ئائىلىگە كېلىپ قاچىلاپ، ئىشلىتىشنى ئۆگىتىپ قويامسىلەر؟

جاۋاب: «ئۇيغۇرسوفت لۇغىتى»نى قاچىلاش ۋە ئىشلىتىش ئاددىي بولۇپ، ناۋادا، ئۈرۈمچى شەھەر ئىچىدە ئائىلىگە كېلىپ مۇلازىمەت تەلەپ قىلسىڭىز، ئايرىم ھەق ئېلىنىدۇ. ئەمما، مۇلازىمەت دائىرىسى پەقەت «ئۇيغۇرسوفت لۇغىتى»نى قاچىلاش ۋە ئىشلىتىش بىلەنلا چەكلىنىدۇ.

5-سوئال: «ئۇيغۇرسوفت لۇغىتى»نى سېتىۋالسا، قانداق مۇلازىمەتتىن بەھرىمان بولىدۇ؟

جاۋاب: قانۇنلۇق ئىشلەتكۈچىلەر ئۇيغۇرسوفت شىركىتى تەمىنلىگەن تۆۋەندىكى ھوقۇقلاردىن بەھرىمەن بولىدۇ.

(1) بىر يىل ئىچىدە تېلېفون 2813300، 2839871 ئارقىلىق تېخنىكا جەھەتتىن قوللاش مۇلازىمىتى.

(2) تور بېكىتى http://www.uighursoft.com ئارقىلىق تېخنىكا جەھەتتىن قوللاش مۇلازىمىتى.

(3) بىر يىل ئىچىدە سىستېما ئىقتىدارى ۋە سۆزلۈك ئامبىرىدا ئۆزگىرىش بولسا، تور ئارقىلىق ھەقسىز يېڭىلاش مۇلازىمىتى.

(4) كېيىنكى ئەۋلاد مەھسۇلاتقا ئېتىبار باھادا ئالماشتۇرۇش مۇلازىمىتى.

 ئىزاھات: ناۋادا، «ئۇيغۇرسوفت لۇغىتى 2007»نى سېتىۋالغان بولسىڭىز، «ئۇيغۇرسوفت لۇغىتى 2008» ھەقسىز يېڭىلاپ بېرىلىدۇ، ئەمما، مەيلى قايسى نەشىردىكى لۇغەت بولسۇن، بىرلا مۇلازىمەت نومۇرىغا ئەڭ كۆپ بولغاندا ئىككى قېتىم تىزىملاش نومۇرى بېرىلىدىغان بولغاچقا، گەرچە يېڭى لۇغەتنى توردىن چۈشۈرۈپ ھەقسىز يېڭىلىغان بولسىڭىزمۇ، ئىلگىرىكى نومۇر ئوخشاشلا كۈچكە ئېگە بولىدۇ، قايتا نومۇر تەلەپ قىلىش ھاجەتسىز، ئەمما، ھەرگىزمۇ كونا-يېڭى نەشىردىكى لۇغەتلەرنى جەمئىي تۆت كومپيۇتېرغا قاچىلاشقا بولىدۇ دېگەنلىك ئەمەس. ناۋادا، Windows VISTAغا قاچىلىسىڭىز، باشقا نومۇر ھاسىل بولىدىغان بولغاچقا، ئۇيغۇرسوفت سىزگە يەنە باشقا يېڭى نومۇر تەمىنلەپ بېرىدۇ، ئەمما، شۇنىڭ بىلەن ئۆزىڭىزگە تەۋە ئىككى كومپيۇتېرغا قاچىلاش تامامەن ئاخىرلىشىدۇ، ئالاھىدە ئەسكەرتىلدى.